العصيده

[ابوبكر بشير]

من الأكلات الشعبية السودانية
( العصيدة )

ما هي العصيدة ؟
تعتبر العصيدة من أشهر الأكلات الشعبية السودانية على الإطلاق، ولا يكاد البيت السوداني يخلو من هذا الطبق الأساسي وبالأخص في المناسبات وأيام العطلات.
تعتبر العصيدة وجبة كاملة في ومغذية في حد ذاتها،وهي تصنع من الماء و الملح والطحين، سواء أن كان الطحين المستخدم من الذرة أو القمح. أو أنواع أخرى من الطحين السوداني مثل الطحين المسمى بالفتريتا. وجميع هذه المقادير توضع على النار لتكون عجنة متماسكة ناضجة صالحة للأكل.
ما الذي تأكل معه العصيدة:
تأكل العصيدة مع أنواع مختلفة من الطبايخ السودانية الشعبية. مثل (طبايخ من الباميا المطحونة،منها(التقلية والنعيمية و الويكا))، وطبيخ الباميا الطازجة المخلوطة(باللهجة السودانية مفروكة)، وغيرها من الطبايخ الأخرى.
أكثر المناسبات التي يكثر فيها صنع العصيدة:
شهر رمضان المبارك.
المناسبات والأعياد الدينية.
الأفراح و العزوات.
الولائم و يوم الجمعة

[هيثم احمد محمد سعد]

[b]مشكور الاخ ابوبكر بشير علي المعلومات القيمه واضيف ايضا انها في رمضان مفيده وغير متعبه للمعده ومااجمل اكلها مع ملاح الروب

ابورحمة[/b]

[محمد بركات احمد]

اقتباس: المشاركة الأصلية كتبت بواسطة ابوبكر بشير    من الأكلات الشعبية السودانية ( العصيدة ) ما هي العصيدة ؟ تعتبر العصيدة من أشهر الأكلات الشعبية السودانية على الإطلاق، ولا يكاد البيت السوداني يخلو من هذا الطبق الأساسي وبالأخص في المناسبات وأيام العطلات. تعتبر العصيدة وجبة كاملة في ومغذية في حد ذاتها،وهي تصنع من الماء و الملح والطحين، سواء أن كان الطحين المستخدم من الذرة أو القمح. أو أنواع أخرى من الطحين السوداني مثل الطحين المسمى بالفتريتا. وجميع هذه المقادير توضع على النار لتكون عجنة متماسكة ناضجة صالحة للأكل. ما الذي تأكل معه العصيدة: تأكل العصيدة مع أنواع مختلفة من الطبايخ السودانية الشعبية. مثل (طبايخ من الباميا المطحونة،منها(التقلية والنعيمية و الويكا))، وطبيخ الباميا الطازجة المخلوطة(باللهجة السودانية مفروكة)، وغيرها من الطبايخ الأخرى. أكثر المناسبات التي يكثر فيها صنع العصيدة: شهر رمضان المبارك. المناسبات والأعياد الدينية. الأفراح و العزوات. الولائم و يوم الجمعة

ياسلام ياابوبكر والله ذكرتنا العصيدة التي اشتقنا ليها كثيرا وتعبنا خلاص من اكل الارز وكرهنا عديل كدا بخت ناس السودان في رمضان مع العصيدة والله الواحد لو لقاها ياكلها في الفطور والغداء والعشاء وماالذ العصيدة نسبة لسهوله هضمها ولذه طعمها وتشكر يابن عمو ولك الود

[كمال احمد راشد]

لعلها الاكلة الشعبية المشتركة بين سكان السودان
لا احسب ان تندثر هذه الاكلة ابدا ،لاحظوا انها الوجبة الرئيسية فى رمضان رغم ارتفاع سعر الذرة والذى فاق سعر القمح خاصة (طابت) وهو اجود انواع الذرة
يا ترى ماذا يفعل ابناء المغتربين وهم لم يتذوقوها بعد ؟
هل يمكن ان تندثر هذه الوجبة خصوصا وان بعض الاسر تشكوا من عدم تحبيذ اطفالهم اكلها؟

[علاءالدين حسن الجعلي]

اقتباس: المشاركة الأصلية كتبت بواسطة كمال احمد راشد    لعلها الاكلة الشعبية المشتركة بين سكان السودان لا احسب ان تندثر هذه الاكلة ابدا ،لاحظوا انها الوجبة الرئيسية فى رمضان رغم ارتفاع سعر الذرة والذى فاق سعر القمح خاصة (طابت) وهو اجود انواع الذرة يا ترى ماذا يفعل ابناء المغتربين وهم لم يتذوقوها بعد ؟ هل يمكن ان تندثر هذه الوجبة خصوصا وان بعض الاسر تشكوا من عدم تحبيذ اطفالهم اكلها؟

تحياتي . حاولت كثيراً في هذا الشهر ان اعلم اولادي - خاصة الكبار - اكل العصيدة و لكن مصرين علي انها muddy . وما في طريقة غير السودان عشان يفهموها و يعرفو فوائدها . قال muddy قال ؛؛

[اسماعيل الريح بلال]

اقتباس: المشاركة الأصلية كتبت بواسطة علاءالدين حسن الجعلي    تحياتي . حاولت كثيراً في هذا الشهر ان اعلم اولادي - خاصة الكبار - اكل العصيدة و لكن مصرين علي انها muddy . وما في طريقة غير السودان عشان يفهموها و يعرفو فوائدها . قال muddy قال ؛؛

ود العمه علاء الدين والله ماشاء الله ولدك ده ظريف عديل كده قال muddy قال اكون انت جبته ليهم بتاعت فوتريته ولا شنو باقي الفوتريته بتخوف من شكلها مع انه قيمتها الغذائية علية شديد اعمل ليها محسنات بديعيه وقدمه في شكلها الغير معهود عندنا ولمن اجربوها مرة خلاس بخرموا ليها عديل كده.

لك التحية الاخ ابوبكر علي الهدية القيمة والتحية للاخوة المتداخلين هنا وهذا انما يدل علي حبهم للعصيدة وكان حبوبتنا بت علي وداحمودي الله يرحمها لمن تنبذ ليها مرأه تقوليها ام عصيدة نيه ولمن تشكرها تقول والله فلانه ماشاء الله عصيدتها يمشي فوقها السوسيو هههههههههه.

[حمزة الجعلى]

والله هذه نعمة احمد الله عليها فانا اكاد اكلها بشكل مستمر حتى فى الايام العادية غيرايام رمضان بس المشكلة فى ملاحها روب حاااامض مافى الشكية لى الله بس المره والله نجيضة
تحياتى عسيلاتى على هذه الوجة الدسمة كاملة المواصفات

[بكري ودعيلمونه]

من المعروف أن لكل بيئة أكلات معينة تناسب تلك البيئة فالعصيدة معروف عنها أكلة تمثل اهل غرب
السودان وهي اكله تناسب تلك البيئة بالرغم من أن معظم اهل السودان يستسيقونها
إلا أنها تظل ترمز للغرب ، كمان أن الكول يرمز أيضا لهم والقراصة ترمز للشما
للشمال ولكن تجمع المدينة بين ابناء الاقاليم في موائد في مناسبات مختلفة مما يعمل على
تعريف الاكلات .



وكل عام وانتم بخير ومبرووك المنتدى الجديد وعهدنا بأبناء العسيلات كالحبة النافعة أنا وق
أنا وقعت نفعت ..
وفقنا الله وإياكم لما يحب ويرضى وسلام عليكم
اخووكم .. ود عيلموووونه

[سموءل سيد محمد]

ما احلى العصيدة بملاح الروب او الزبادي او الطماطم المخلوطة المدنكلة بالتوم والشطة

[معمر اسماعيل]

يا سلام
والله خليتني اتلمض بمناسبة ملاح الروب دي

[الامين الجعلي بشير احمد]

نحني بنتعب لمن نسير اللوقمة وملاح الروب الحامض

[هند الفاتح العجب]

لا كلكم غلط بالتقليه احلللللللللللللى شي طبعا
و مشكوووووووور

[ابوبكر بشير]

مشكوووووووووووووووووووووورين علي المرور

[عمار عسيلات]

العصيدة حلوة بملاح الروب و الويكاب لكن ما فيها ملح العجين خمير

[ابواحمد]

والله دخلت بوستكم دا وانا جيعان خليتوني اتلمض واحلي لقمه بي ملاح تقليه كاااااااااارب شديد او زبادي وطمام وزيت سمسم مشكور اخي ابوبكر وجميع الاخوه المداخلين