::+: أتصل بنا (راسلنا) :+::
  ::+: التسجيل في المنتديات مجاني :+:: ::+: الواجهه الرئيسيه للموقع :+:: ::+: أتصل بنا (راسلنا) :+::  
::+: الواجهه الرئيسيه للموقع :+::
لتصفح أفضل
دقة الشاشة 1024× 768
هذه الرسالة تفيد بأنك غير مسجل في شبكة ومنتديات العسيـلات الأشراف . للتسجيل الرجاء اضغط هنـا


الإهداءات


فتح الروابط في صفحات جديدة
العودة   شبكة ومنتديات العسيـلات الأشراف > الأقسام العامة > المنتدى العام

إضافة رد
 
 
أدوات الموضوع انواع عرض الموضوع
 
قديم 01-23-2010, 07:22 AM   #1
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي الفنان ودالبكري والدلتية


بعد ان فارقنا مرحلة الصبينة ودخلنا مرحلة التقاعد صرنا لانكترث كثيرا لكثير من الاجتماعيات ومنها الحفلات الغنائية في الاعراس وخلافه
كنت يومها وبعد ان شاركنا ابن العم قدور في فرحه ان اخلد للنوم وفعلا نمت وصحوت على صوت شجي وعذب لا تقدر ان تقاومه ويجبرك على متابعته وخصوصا المكرفون في اضاني وصحوت من تلك الغفوة وعلى طول على الحفلة وهنالك اول مرة ارى فيها ودالبكري واول مرة اسمع به وسالت عنه وعرفت عنه الكثير من الاخ وابن العم بكري ودحمّده وقد ذكر لي انه من المحبين للمنطقة وله علاقات واسعه بها وخصوصا في الدلتية ومنها صرت من المعجبين به وبصوته ومن على البعد احي الفنان ودالبكري مع خالص ودي وتحياتي ..








التوقيع
نقره لعرض الصورة في صفحة مستقلة
  رد مع اقتباس
 
قديم 01-23-2010, 10:29 AM   #2
معلومات العضو
ود القاضى
عضو مجلس شورى المنتدى

الصورة الرمزية ود القاضى

إحصائية العضو










ود القاضى غير متواجد حالياً


افتراضي


الفنان ود البكرى فنان صاحب صوت جميل والدلتية هى التى شهرت ود البكرى لانه كان ياتى اليها ليس فنان فقط بل كان ياتى الى اصدقائه ويتسامر معهم وياتى قبل العرس ويجلس يومين حفلة على صبحية على قعدة كله بتراب الفلوس وكان لو طلبوه من غير فلوس لكن خلاص الشهرة نسته الدلتية واتنمرد عليهم وبدات شعبيته فى الدلتية تقل ان لم تنعدم ولما حصل منه من تدلع وتنمرد ولكنه يبقى فنان ذو صوت عزب جميل
بالمناسبة دى احكى موقف فى زواج اخوى معز كنا متفقين مع ود البكرى قبل العرس بى يوم اتصلت عليه قال انا مرتبط بى حفلتين بى اتنين مليون ولو عايزنى اجى ادفع لى اتنين مليون ( قائل نفسه ود الامين ) غايتو ما اتفقنا اخوى قال اتصرف وانا ما عندى خبرة فى الشغلانة دى والدنيا عيد ما بتلقى فنان فاضى غايتو اتصلت على واحد كان معاى فى الشغل قال خلاص تعال لى ومشيت يوم العيد الخرطوم لى صاحبى ومشينا مع بعض الى مايو لعازف بعرفه واتصل على فنانة وخلاص ظبط الامور وانا رجعت الحلة والناس منتظرين الفنانة جاءت الساعة 2 طبعا الدلتية حفلة ما بى ود البكرى ما بتخش مزاجهم اها الفنانة جات اول حاجة الفنانة التقول ليها عشرة سنة ما اكلت وشكلها مسطولة وما بتعرف تغنى وشكلها جديدة فى الشغلانة دى الناس زهجو وساهرو على الفاضى اى واحد يسال دى الجاب منو يقولو الحبر انا من اول الحفلة زغتا طوالى جيت فى نهايتها وتعال شوف الناس ما فضل ليهم الا يخبطونى بالكراسى دى فنانة تجيبها وساهرت بينا فى الفاضى ولحدى الان بقولها لى









التعديل الأخير تم بواسطة ود القاضى ; 01-23-2010 الساعة 10:32 AM.
  رد مع اقتباس
 
قديم 01-23-2010, 10:53 AM   #3
معلومات العضو
الثائر
Moderator
إحصائية العضو









الثائر غير متواجد حالياً


افتراضي


زعيمنا الهمام لك التحايا والاشواق وانت دون غيرك ممسك بصبر وجلد علي كوتنا الجميلة منتدانا هذا فلك الود والتقدير (واذا كانت النفوس عظاما تعبت في مرادها الاجسام) وبعد نبحر معك في ودالبكري.
ودالبكري اليوم قامة سامقة في الساحة الفنية وياما سمعنا له اشرطة بالمركبات العامة وكذا اصبح له وجود فني في الوسط الفني اللاحظ ذلك وليس كبير اهتمام بالوسط الفني ولكن الحياة العامة عندنا كل شئ فيها يختلط ببعضه فانت مرغما تسمع اي شئ وتناقش في كل المواضيع , اما ودالبكري يهمنا امره لانه انطلق من عندنا بالعسيلات والدلتية علي وجه الخصوص (اتمني مداخلة من الاخ ابراهيم عوض عمر) لان والده صديق له وكان ياتي الدلتية لابسط المناسبات وفي فترة الهدف كان باتحاد العيلفون دائما الحضور بالحلة حتي تخاله واحد من ابناء القرية وكانت الحفلات التي يحييها لاتختص بالمقتدرين فقط يمكن لاي شخص رغب قي ودالبكري ياتي بارخص الاسعار ويغني حتي الفجر وتسمع الناس تطالبه بالمواصله ويصيح (يااخوانا باص ميرغني اتحرك وداير احصله) وكان يغني في غير المناسبات الجلسات العامة اي يحضر الي الدلتية احيانا ولو كان زهجة ساكت كل هذا كان قبل سنوات خلت الان ودالبكري حضوره نادرا ولاياتي بالساهل لانه اصبح علم وله مكانة وعدادة رامي يمكن لودعيته بمليون ليغني لك ساعتين ماتلقي فيه طريقة دنيا؟ بالمناسبة بالاضافة لادائه المتميز وصوته الشجي في الغناء مبدع حد الادهاش في المديح النبوي .
مماذكره لنا الاهل ان الفنان كمال ترباس بدأ حياته الفنية ايضا من هنا بالدلتية حكي لنا انه جاء وغني بها في مناسبة احد ابناء القرية ومن هنا انطلق والليلة الزول ده قالوا الاغنية الواحدة عنده بمليون تصدق يازعيم؟ولنا عودة يازعيم








  رد مع اقتباس
 
قديم 01-23-2010, 01:12 PM   #4
معلومات العضو
اسماعيل الريح بلال
عسيلاتي متميز
إحصائية العضو









اسماعيل الريح بلال غير متواجد حالياً


افتراضي


قلبي ياطيب ليك زمن عيان انت ماك طيب انت ياقلبي.
اغنية اشتهر بها الفنان ودالبكري . من الطرائف للاخ علي المبارك العبيد كنا بنشاغل دفعتنا اولاد الدلتية ناس احمد مجاور وزروق ومحمد عوض او عوووووووووووك شلة لمن تكون في حفلة في الدلتية يقول ليهم الليلة الحفلة بى ود منو.... (بمن) قام زروق سريع البديهة قال ليه بى ودابشاتين (رحمه الله).
وهذه دلالة على ارتباط هذا الفنان بالمنطقة التي قدمته للفن وساعدت في تنميته الفنية هذا الفنان عبدالباقي صوته شجي تمنيت لو ركزه في القرأن الكريم كان أصبح من الفائزين وكان نافس ناس شيخ الزين.
ولي عودة للموضوع تسلم ياخال للموضوع الذي يدقدق الانسان ليكتب.








  رد مع اقتباس
 
قديم 01-23-2010, 09:23 PM   #5
معلومات العضو
ابوبكر احمد الطيب
عسيلاوى مجتهد

الصورة الرمزية ابوبكر احمد الطيب

إحصائية العضو










ابوبكر احمد الطيب غير متواجد حالياً


افتراضي


اقتباس:
المشاركة الأصلية كتبت بواسطة محمد بركات احمد
   بعد ان فارقنا مرحلة الصبينة ودخلنا مرحلة التقاعد صرنا لانكترث كثيرا لكثير من الاجتماعيات ومنها الحفلات الغنائية في الاعراس وخلافه
كنت يومها وبعد ان شاركنا ابن العم قدور في فرحه ان اخلد للنوم وفعلا نمت وصحوت على صوت شجي وعذب لا تقدر ان تقاومه ويجبرك على متابعته وخصوصا المكرفون في اضاني وصحوت من تلك الغفوة وعلى طول على الحفلة وهنالك اول مرة ارى فيها ودالبكري واول مرة اسمع به وسالت عنه وعرفت عنه الكثير من الاخ وابن العم بكري ودحمّده وقد ذكر لي انه من المحبين للمنطقة وله علاقات واسعه بها وخصوصا في الدلتية ومنها صرت من المعجبين به وبصوته ومن على البعد احي الفنان ودالبكري مع خالص ودي وتحياتي ..

الأخ ابن عمو محمد تحياتنا وأشواقنا .
ودالبكرى موجود بالرياض وكان على موعد معى اليوم وأتصلت
عليه وقرأت له رسالتك فقال لى بالله ارسل باسمى رساله لمحمد
وأشكره على هذا الحس وبقوليك باذن الله لو الظرف سمحت سوف
أسجل لكم زياره بقطر








التوقيع
  رد مع اقتباس
 
قديم 01-24-2010, 05:57 AM   #6
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة ود القاضى
   الفنان ود البكرى فنان صاحب صوت جميل والدلتية هى التى شهرت ود البكرى لانه كان ياتى اليها ليس فنان فقط بل كان ياتى الى اصدقائه ويتسامر معهم وياتى قبل العرس ويجلس يومين حفلة على صبحية على قعدة كله بتراب الفلوس وكان لو طلبوه من غير فلوس لكن خلاص الشهرة نسته الدلتية واتنمرد عليهم

تسلم يابن عمو على المداخلة وفعلا الفنان ودالبكري كما ذكرت فنان ذو صوت شجي واخر مرة زارنا فيها اخي وابن عمي ازهري على ابراهيم الحليوة اعطاني شريط من ودالبكري مازلت احتفظ به وهو الكاسيت الوحيد الذي استمتع به في السيارة ولكن بيني وبينك الزول دا احتمال يكون الفولس الكثيرة شغلته من الناس والدلتية ويمكن ان نجد له الف عذر والظاهر عليك زعلان شديد يابن عمو من ودالبكري لكن حسب ماسمعت بانه مازال يحتفظ بتلك الذكريات ومازال يحكي عن العسيلات وعن الدلتية في كل مكان يتواجد به ..








التوقيع
نقره لعرض الصورة في صفحة مستقلة
  رد مع اقتباس
 
قديم 01-24-2010, 06:01 AM   #7
معلومات العضو
ابراهيم عوض عمر
عسيلاوى مجتهد
إحصائية العضو









ابراهيم عوض عمر غير متواجد حالياً


افتراضي


يا زعيم تحياتى ليك وللأسرة الكريمة ....
طالما الموضوع جاب ود البكرى حبيبنا كلنا مافى اى مانع للمناقشة فيه ... ود البكرى صوت شجى وعذب ويكاد يفوق الكبار والقدرو بدون منازع بس ا لاعلام ما نظر ليه بعين الاعتبار على حسب ماهو فنان شعبى بحت وهو كمان ما التفت للإعلام وشق طريقو زندية وكسب الرهان مع نفسو ! وقصة دخول ود البكرى العسيلات وبالذات منطقة الدلتية والتى وجد فيها قبول منقطع النظير انو كان صديق واحد عندو كافتريا فى السوق العربى قريب من مكتبة جدنا حاج الطاهر ومن خلالها إتعرف على خالنا عوض حاج الطاهر وأحيا له حفل زواجه وكان ذلك بالثورة مع بعض أصدقائه وكنت حاضرا تلك الحفلة وهى اول مرة اسمع فيها ود البكرى واعجبت جدا بصوته .. ومنذ ذلك الحين تعرف عليه والدى واصبح وكيل اعماله بالعسيلات وحامى حماه من العكاكيز والذى منه ! وأحيا لنا 3 مناسبات فى بيتنا بالسعر الانحنا بنقولو والبنديها ليه ما بحسبة يالحبر كان جيتو لى أبوى كان كافانا شر البت الجبتوها لينا وساهرتو بينا ساهى ! ويا زعيمنا فى الآخر ود البكرى بقى صاحب شباب ود بخيت منهم متوكل " الكليب " وقرب والحاج فيصل ومن الدلتية حاج مضوى ومامون حسن حمد وكلهم أصدقاء ...
ونتواصل








  رد مع اقتباس
 
قديم 01-24-2010, 06:04 AM   #8
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة الثائر
   زعيمنا الهمام لك التحايا والاشواق وانت دون غيرك ممسك بصبر وجلد علي كوتنا الجميلة منتدانا هذا فلك الود والتقدير (واذا كانت النفوس عظاما تعبت في مرادها الاجسام) وبعد نبحر معك في ودالبكري.
ودالبكري اليوم قامة سامقة في الساحة الفنية وياما سمعنا له اشرطة بالمركبات العامة وكذا اصبح له وجود فني في الوسط الفني اللاحظ ذلك وليس كبير اهتمام بالوسط الفني ولكن الحياة العامة عندنا كل شئ فيها يختلط ببعضه فانت مرغما تسمع اي شئ وتناقش في كل المواضيع , اما ودالبكري يهمنا امره لانه انطلق من عندنا بالعسيلات والدلتية علي وجه الخصوص (اتمني مداخلة من الاخ ابراهيم عوض عمر) لان والده صديق له وكان ياتي الدلتية لابسط المناسبات وفي فترة الهدف كان باتحاد العيلفون دائما الحضور بالحلة حتي تخاله واحد من ابناء القرية وكانت الحفلات التي يحييها لاتختص بالمقتدرين فقط يمكن لاي شخص رغب قي ودالبكري ياتي بارخص الاسعار ويغني حتي الفجر وتسمع الناس تطالبه بالمواصله ويصيح (يااخوانا باص ميرغني اتحرك وداير احصله) وكان يغني في غير المناسبات الجلسات العامة اي يحضر الي الدلتية احيانا ولو كان زهجة ساكت كل هذا كان قبل سنوات خلت الان ودالبكري حضوره نادرا ولاياتي بالساهل لانه اصبح علم وله مكانة وعدادة رامي يمكن لودعيته بمليون ليغني لك ساعتين ماتلقي فيه طريقة دنيا؟ بالمناسبة بالاضافة لادائه المتميز وصوته الشجي في الغناء مبدع حد الادهاش في المديح النبوي .
مماذكره لنا الاهل ان الفنان كمال ترباس بدأ حياته الفنية ايضا من هنا بالدلتية حكي لنا انه جاء وغني بها في مناسبة احد ابناء القرية ومن هنا انطلق والليلة الزول ده قالوا الاغنية الواحدة عنده بمليون تصدق يازعيم؟ولنا عودة يازعيم

ياسلام ياعبدالجليل تحياتي وودي ولك كل الشكر على تلك المداخلة الشيقة والشرح الوافي عن ودالبكري وفعلا صوته متميز وشجي وتعرف الزول دا ربنااكرمه لطيبته وجعله مشهورا ويمكن نجد له الف عذر لغيابه عن الاهل ولكن ندعو الله له التوفيق اناجلست معه تقريبا لزمن لايتعدى الربع ساعة ولمستمنه حبه لاهلنا ولناسنا ومنها عرفت بانه انسان طيب ومرهف .فعلا كمال ترباس ايضا كانت له جولات في المنطقة سابقا وتقريبا انا كنت حينها في ليبيا ولكن سمعت بذلك مشكور يابن عمو ولك كل الود








التوقيع
نقره لعرض الصورة في صفحة مستقلة
  رد مع اقتباس
 
قديم 01-24-2010, 06:09 AM   #9
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة اسماعيل الريح بلال
  
قلبي ياطيب ليك زمن عيان انت ماك طيب انت ياقلبي.

اغنية اشتهر بها الفنان ودالبكري . من الطرائف للاخ علي المبارك العبيد كنا بنشاغل دفعتنا اولاد الدلتية ناس احمد مجاور وزروق ومحمد عوض او عوووووووووووك شلة لمن تكون في حفلة في الدلتية يقول ليهم الليلة الحفلة بى ود منو.... (بمن) قام زروق سريع البديهة قال ليه بى ودابشاتين (رحمه الله).
وهذه دلالة على ارتباط هذا الفنان بالمنطقة التي قدمته للفن وساعدت في تنميته الفنية هذا الفنان عبدالباقي صوته شجي تمنيت لو ركزه في القرأن الكريم كان أصبح من الفائزين وكان نافس ناس شيخ الزين.

ولي عودة للموضوع تسلم ياخال للموضوع الذي يدقدق الانسان ليكتب.

تشكر ياودالاخت على هذه الطرفة الجميلة وفعلا ارتبط اسم ودالبكري بالدلتية ومنها انطلق للشهرة وتعتبر محطة من محطات هذا الفنان وياريت كما ذكرت لو ركز على القران ولكن الاخ عبدالجليل ذكر بانه بيمدح بنفس الابداع الذي يتغنى به وتسلم على المرور .









التوقيع
نقره لعرض الصورة في صفحة مستقلة
  رد مع اقتباس
 
قديم 01-24-2010, 06:13 AM   #10
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة ابوبكر احمد الطيب
  
الأخ ابن عمو محمد تحياتنا وأشواقنا .

ودالبكرى موجود بالرياض وكان على موعد معى اليوم وأتصلت
عليه وقرأت له رسالتك فقال لى بالله ارسل باسمى رساله لمحمد
وأشكره على هذا الحس وبقوليك باذن الله لو الظرف سمحت سوف

أسجل لكم زياره بقطر


تحياتي وودي يابن عمو ياسلام والله رجعت بي الذاكرة لذلك اليوم وتلك الايام الحلوة التي قضيناها سويا ونحن في حفلات
ودالبكري وجعلناها ذكرى نجترها لننسى بها الام وعذاب الغربة التي نتمنى من الله ان لاتطول وعبرك نحي ودالبكري
ونعتب عليه شكوى اهلنا لانقطاعه عنهم لانهم مازالوا يكنون له كل حب وتقدير ولك الشكر على المداخلة








التوقيع
نقره لعرض الصورة في صفحة مستقلة
  رد مع اقتباس
 
قديم 01-24-2010, 06:17 AM   #11
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة ابراهيم عوض عمر
   يا زعيم تحياتى ليك وللأسرة الكريمة ....
طالما الموضوع جاب ود البكرى حبيبنا كلنا مافى اى مانع للمناقشة فيه ... ود البكرى صوت شجى وعذب ويكاد يفوق الكبار والقدرو بدون منازع بس ا لاعلام ما نظر ليه بعين الاعتبار على حسب ماهو فنان شعبى بحت وهو كمان ما التفت للإعلام وشق طريقو زندية وكسب الرهان مع نفسو ! وقصة دخول ود البكرى العسيلات وبالذات منطقة الدلتية والتى وجد فيها قبول منقطع النظير انو كان صديق واحد عندو كافتريا فى السوق العربى قريب من مكتبة جدنا حاج الطاهر ومن خلالها إتعرف على خالنا عوض حاج الطاهر وأحيا له حفل زواجه وكان ذلك بالثورة مع بعض أصدقائه وكنت حاضرا تلك الحفلة وهى اول مرة اسمع فيها ود البكرى واعجبت جدا بصوته .. ومنذ ذلك الحين تعرف عليه والدى واصبح وكيل اعماله بالعسيلات وحامى حماه من العكاكيز والذى منه ! وأحيا لنا 3 مناسبات فى بيتنا بالسعر الانحنا بنقولو والبنديها ليه ما بحسبة يالحبر كان جيتو لى أبوى كان كافانا شر البت الجبتوها لينا وساهرتو بينا ساهى ! ويا زعيمنا فى الآخر ود البكرى بقى صاحب شباب ود بخيت منهم متوكل " الكليب " وقرب والحاج فيصل ومن الدلتية حاج مضوى ومامون حسن حمد وكلهم أصدقاء ...
ونتواصل

تسلم ياودالاخت على تلك المعلومات الوافية عن الفنان ودالبكري وعن صلته الوطيدة وعلاقاته المتيمزة باهلنا وكما اسلفت ودالبكري كان صاحب صوت لايختلف عليه اثنان ولكن الاعلام وتقصيره من الاسباب التي ساعدت على تاخير ظهور ودالبكري . مشكور على المرور ياابراهيم ..








التوقيع
نقره لعرض الصورة في صفحة مستقلة
  رد مع اقتباس
 
قديم 01-24-2010, 12:30 PM   #12
معلومات العضو
ود القاضى
عضو مجلس شورى المنتدى

الصورة الرمزية ود القاضى

إحصائية العضو










ود القاضى غير متواجد حالياً


افتراضي


اقتباس:
المشاركة الأصلية كتبت بواسطة ابراهيم عوض عمر
   يا زعيم تحياتى ليك وللأسرة الكريمة ....
طالما الموضوع جاب ود البكرى حبيبنا كلنا مافى اى مانع للمناقشة فيه ... ود البكرى صوت شجى وعذب ويكاد يفوق الكبار والقدرو بدون منازع بس ا لاعلام ما نظر ليه بعين الاعتبار على حسب ماهو فنان شعبى بحت وهو كمان ما التفت للإعلام وشق طريقو زندية وكسب الرهان مع نفسو ! وقصة دخول ود البكرى العسيلات وبالذات منطقة الدلتية والتى وجد فيها قبول منقطع النظير انو كان صديق واحد عندو كافتريا فى السوق العربى قريب من مكتبة جدنا حاج الطاهر ومن خلالها إتعرف على خالنا عوض حاج الطاهر وأحيا له حفل زواجه وكان ذلك بالثورة مع بعض أصدقائه وكنت حاضرا تلك الحفلة وهى اول مرة اسمع فيها ود البكرى واعجبت جدا بصوته .. ومنذ ذلك الحين تعرف عليه والدى واصبح وكيل اعماله بالعسيلات وحامى حماه من العكاكيز والذى منه ! وأحيا لنا 3 مناسبات فى بيتنا بالسعر الانحنا بنقولو والبنديها ليه ما بحسبة يالحبر كان جيتو لى أبوى كان كافانا شر البت الجبتوها لينا وساهرتو بينا ساهى ! ويا زعيمنا فى الآخر ود البكرى بقى صاحب شباب ود بخيت منهم متوكل " الكليب " وقرب والحاج فيصل ومن الدلتية حاج مضوى ومامون حسن حمد وكلهم أصدقاء ...
ونتواصل


الاخ العزيز هيما الاتصال كان عن طريق الوالد عوض عمر وكنا سويا حين اتصل بى ود البكرى وحينما رد ود البكرى عليه زعل ابوك زعل شديد وقال له خزلتنى مع الجماعة وربما نحن السبب لان الاتصال كان متاخر وكل حسب ظروفه








  رد مع اقتباس
 
قديم 01-24-2010, 03:25 PM   #13
معلومات العضو
معمر اسماعيل
عضو مجلس شورى المنتدى

الصورة الرمزية معمر اسماعيل

إحصائية العضو










معمر اسماعيل غير متواجد حالياً


افتراضي



نقره لعرض الصورة في صفحة مستقلة

بيجدع توبوا يمشي مغيب
مرضاااااااااااااااااااااان جوه لكن في الظواهر طيب
قبالك نصبنا الشرق للصيد وقع مزالف
ونقطنا العسل لي ام شور ابت ما توالف
زولا تريدوا يبقى منك صارف
وريدا بالقرش زي العدم للعارف
(مع اني ما فاهم اي حاجه من الكتبتوا ده)
اخر الايام بقوا ناس الحله لما يكون في حفله ما بقولوا الحفله بي منوا؟
بقولوا الحفله بي ود منوا؟
استمع الى اجمل اغني ود البكري على الرابط
[فقط الاعضاء المسجلين هم من يمكنهم رؤية الروابط. اضغط هنا للتسجيل]









التوقيع
وربنا يحفظكم يا اهل
  رد مع اقتباس
 
قديم 01-24-2010, 05:56 PM   #14
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة معمر اسماعيل
   نقره لعرض الصورة في صفحة مستقلة
بيجدع توبوا يمشي مغيب
مرضاااااااااااااااااااااان جوه لكن في الظواهر طيب
قبالك نصبنا الشرق للصيد وقع مزالف
ونقطنا العسل لي ام شور ابت ما توالف
زولا تريدوا يبقى منك صارف
وريدا بالقرش زي العدم للعارف
(مع اني ما فاهم اي حاجه من الكتبتوا ده)
اخر الايام بقوا ناس الحله لما يكون في حفله ما بقولوا الحفله بي منوا؟
بقولوا الحفله بي ود منوا؟
استمع الى اجمل اغني ود البكري على الرابط
[فقط الاعضاء المسجلين هم من يمكنهم رؤية الروابط. اضغط هنا للتسجيل]

مشكور الابن معمر على المداخلة والمشاركة باغاني ودالبكري على الرابط المبين لكن مافي اي مشاركات ليه في اليوتيوب وان شاء الله نشوف قريبا والايام دي الزول دا قالوا قاعد في السعودية وناسنا التقوا بيه وعملوا معاه قعده حلوة جدا .








التوقيع
نقره لعرض الصورة في صفحة مستقلة
  رد مع اقتباس
 
قديم 01-25-2010, 04:07 PM   #15
معلومات العضو
معمر اسماعيل
عضو مجلس شورى المنتدى

الصورة الرمزية معمر اسماعيل

إحصائية العضو










معمر اسماعيل غير متواجد حالياً


افتراضي


لسه اليو توب دي مرحله شويه على ود البكري.
ما شاء الله يا ود البكري
والله في تطور ملحوظ
ذكرتني لمن اول مره جابوه في التلفزيون ناس الحله فرحوا ليه عديل تقول واحد منهم.








التوقيع
وربنا يحفظكم يا اهل
  رد مع اقتباس
 
قديم 02-18-2010, 03:26 PM   #16
معلومات العضو
ودالبكري
member
إحصائية العضو









ودالبكري غير متواجد حالياً


افتراضي


اقتباس:
المشاركة الأصلية كتبت بواسطة محمد بركات احمد
   بعد ان فارقنا مرحلة الصبينة ودخلنا مرحلة التقاعد صرنا لانكترث كثيرا لكثير من الاجتماعيات ومنها الحفلات الغنائية في الاعراس وخلافه
كنت يومها وبعد ان شاركنا ابن العم قدور في فرحه ان اخلد للنوم وفعلا نمت وصحوت على صوت شجي وعذب لا تقدر ان تقاومه ويجبرك على متابعته وخصوصا المكرفون في اضاني وصحوت من تلك الغفوة وعلى طول على الحفلة وهنالك اول مرة ارى فيها ودالبكري واول مرة اسمع به وسالت عنه وعرفت عنه الكثير من الاخ وابن العم بكري ودحمّده وقد ذكر لي انه من المحبين للمنطقة وله علاقات واسعه بها وخصوصا في الدلتية ومنها صرت من المعجبين به وبصوته ومن على البعد احي الفنان ودالبكري مع خالص ودي وتحياتي ..

لك كل الود صديقي محمد بركات وكــــــــــــــــم سعدت بكتاباتك الرائعه التي وجتها في منتداكـــــــــــــم العامر والأن أنا في مدينة ينبع البحر مع صديقي (خالد القلع وإدريس محمد) وإن شاء الله بعد عشرة أيام بكون في السودان,,
وتحياتي لكــــــــــــــــــــــل أهل العسيلات المتواجدين بالرياض,,,مع إنهم لم يشاركوني باي شي معنوي,,,في الوقت الذي شاركت فيه كل الجاليات السودانيه عندما سمعو عن الفنان ودالبكري بالرياض,,,








  رد مع اقتباس
 
قديم 02-18-2010, 03:34 PM   #17
معلومات العضو
محمد بركات احمد
Administrator

الصورة الرمزية محمد بركات احمد

إحصائية العضو










محمد بركات احمد غير متواجد حالياً


افتراضي


اقتباس:
المشاركة الأصلية كتبت بواسطة ودالبكري
   لك كل الود صديقي محمد بركات وكــــــــــــــــم سعدت بكتاباتك الرائعه التي وجتها في منتداكـــــــــــــم العامر والأن أنا في مدينة ينبع البحر مع صديقي (خالد القلع وإدريس محمد) وإن شاء الله بعد عشرة أيام بكون في السودان,,
وتحياتي لكــــــــــــــــــــــل أهل العسيلات المتواجدين بالرياض,,,مع إنهم لم يشاركوني باي شي معنوي,,,في الوقت الذي شاركت فيه كل الجاليات السودانيه عندما سمعو عن الفنان ودالبكري بالرياض,,,

والله الف مرحب ومليون مرحب بك بيننا وكم سعدنا جدا بان تكون هنا في منتداك ونحن وبكل فخر
نعتبرك واحد مننا وفينا وذلك لما وجدناه فيك من حسن معشر وطيبة نفس وكم سعدنا بك اياما مازالت
ذكراها عالقة في اذهاننا ومازلت شادينا وفناننا المغرد وصوتك لايزال ملازما لنا في حلنا وترحالنا
وكم المني جدا ان ابنائنا لم يشاركوك في الرياض واعتبرذلك اعتذارا نيابة عنهم حتى نبين
لك الحقيقة منهم وسبب عزوفهم في عدم لقاك فانك جدير بكل ترحيب وتقدير واحترام لك منا الود ولك
منا العتبى حتى ترضى وربنا يجمعنا بارض الوطن ودمت بالف ود








التوقيع
نقره لعرض الصورة في صفحة مستقلة
  رد مع اقتباس
 
قديم 02-18-2010, 05:06 PM   #18
معلومات العضو
ابراهيم عوض عمر
عسيلاوى مجتهد
إحصائية العضو









ابراهيم عوض عمر غير متواجد حالياً


افتراضي


يا الف مرحب بالفنان ود البكرى ,,,








  رد مع اقتباس
 
قديم 02-22-2010, 11:11 AM   #19
معلومات العضو
شمس الدين جادو
عسيلاوى جديد

الصورة الرمزية شمس الدين جادو

إحصائية العضو









شمس الدين جادو غير متواجد حالياً


افتراضي


اقتباس:
المشاركة الأصلية كتبت بواسطة معمر اسماعيل
  
نقره لعرض الصورة في صفحة مستقلة

بيجدع توبوا يمشي مغيب
مرضاااااااااااااااااااااان جوه لكن في الظواهر طيب
قبالك نصبنا الشرق للصيد وقع مزالف
ونقطنا العسل لي ام شور ابت ما توالف
زولا تريدوا يبقى منك صارف
وريدا بالقرش زي العدم للعارف
(مع اني ما فاهم اي حاجه من الكتبتوا ده)
اخر الايام بقوا ناس الحله لما يكون في حفله ما بقولوا الحفله بي منوا؟
بقولوا الحفله بي ود منوا؟
استمع الى اجمل اغني ود البكري على الرابط
[فقط الاعضاء المسجلين هم من يمكنهم رؤية الروابط. اضغط هنا للتسجيل]

مستر جورج او ال********************* معمر اسماعيل
بالغت ومال عدوك مافهمت مالك اشى ده مكتوب بالاقريقى عربى
وتماما ويخلو تماما من الكلمات الفصى الى ماممكن تغلبك فيهم كلمة واحدة

والا الفنان ماراكب ليك راسك وانتو اصلكم ياناس حاقربى؟؟؟؟؟؟؟؟
تقريبا انت من القويز








  رد مع اقتباس
إضافة رد

مواضيع جديدة في قسم المنتدى العام

 
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


الساعة الآن 04:52 AM.



Powered by vBulletin® Version 3.7.2
Copyright ©2000 - 2014, Jelsoft Enterprises Ltd.
جميع الحقوق محفوظة لمنتديات العسيلات الاشراف
vEhdaa 1.1 by NLP ©2009
 

::+: ترايدنت للتصميم والتطوير والاستضافه :+::